Референдум. Партиялық емес байқау орталығы оқыту іс-шараларын бастады
PHOTO
17 Мамыр, 18:18 831

Референдум. Партиялық емес байқау орталығы оқыту іс-шараларын бастады

Нұр-Сұлтан, BAQ.KZ. Партиялық емес байқау орталығының төрағасы Төлеген Күнәділов Қазақстан Республикасы Конституциясына өзгерістер мен толықтырулар енгізу бойынша референдумда байқауды қамтамасыз ету мәселелері бойынша өңірлік штабтардың басшыларымен семинар-кеңес өткізді.

 

Кездесу барысында қатысушылар байқаушылардың функциялары мен міндеттерін, сондай-ақ «Республикалық референдум туралы» Қазақстан Республикасы Заңының және «Қазақстан Республикасындағы сайлау туралы» Қазақстан Республикасы Заңының негізгі ережелерін талқылады.

Төлеген Күнәділов атап өткендей, сайлау заңнамасы нормаларының сақталуын байқау дауыс берудің заңдылығы мен ашықтығын қамтамасыз етуге бағытталған.

Отырысқа қатысушылар сайлау органдарының құзыреті, дауыс беру күні сайлау комиссиясының қызметін ұйымдастыру, қоғамдық байқаушылардың құқықтары мен міндеттері, сондай-ақ олардың жұмыс істеу қағидаттары сынды мәселелерді қарады.

Сонымен қатар дауыс беруді ұйымдастыру аспектілеріне және дауыс беру тәртібіне, соның ішінде сайлау учаскесінде дауыстарды санауға ерекше назар аударылады.

Отырыс барысында облыстық штабтың байқаушылар үшін сайлау заңнамасының нормалары мен «Республикалық референдум туралы» Қазақстан Республикасының Заңы бойынша бірқатар оқыту семинарын өткізуге дайындығы да атап өтілді.

Бүгінгі таңда республикалық штаб байқаушының жұмыс дәптерін, жадынамаларды, заңнамалық актілерден үзінділерді, сайлау барысын байқау ережелерін және басқа да әдістемелік материалдарды   дайындады.

Кездесу соңында Партиялық емес байқау орталығының төрағасы Төлеген Күнәділов алдағы референдум аясында байқуды ұйымдастыруға дайындыққа қатысты өңірлік штаб басшыларының бірқатар сұрақтарына жауап берді.

Еске салайық, 5 мамырда Партиялық емес байқау орталығы 2022 жылғы 5 маусымда өтетін Қазақстан Республикасының Конституциясына өзгерістер мен толықтырулар енгізу жөніндегі республикалық референдумға байқаушылар ретінде қатысу ниетін білдірді.


Фото: дереккөз
Загрузка...