Алматы, BAQ.KZ. «Alan Parking» ЖШС-і және «Алматыспецтехпаркинг» ЖШС-і 5 маусымда барлық тұрақтар тегін болатынын мәлімдеді.
5 маусым республикалық референдум күні қала көшелерінің бойындағы "Алматыспецтехпаркинг" ЖШС әкімшілік ететін тротуар типті тұрақтар тегін болады,-делінген хабарламада.
Еске сала кетсек, Конституцияға өзгерістер енгізуге 18 жастан асқан барлық Қазақстан азаматы қатыса алады. Сайлау учаскелері Қазақстанның барлық елді мекендерінде және шетелдік 52 мемлекетте ұйымдастырылады. Ресми дауыс беру уақыты - жергілікті сағ. 07:00 мен 20:00 аралығы.
