Рамазан айының соңғы 10 күні — ерекше мағынаға ие рухани кезең.
Бұл күндерде Пайғамбарымыз Мұхаммед (с.ғ.с.) ғибадатын күшейтіп, Аллаға бар ынтасымен жақындауға тырысқан. Міне, соңғы он күнде мұсылман үшін маңызды саналатын амалдар:
1. Қадір түнін іздеу
Қадір түні — Құран түскен, мың айдан артық қасиетті түн. Ол Рамазанның тақ түндерінің бірінде (21, 23, 25, 27 немесе 29-шы түндері) жасырылған.
Пайғамбарымыз (с.ғ.с.): «Қадір түнін Рамазан айының соңғы он күніндегі тақ түндерден іздеңдер», – деген (Бухари).
2. Ғибадатты күшейту
Құран оқу, намаз оқу, зікір айту, тәубе мен истиғфар жасау — осы күндері көп амал істеу ұсынылады.
Пайғамбарымыз соңғы он күнде:
«Түндерін намазбен тірілтіп, отбасын оятатын» болған.
3. Мешітке бару
Иткаф — мешітте белгілі бір уақыт Аллаға құлшылықпен оқшау отыру.
Пайғамбарымыз (с.ғ.с.) әр Рамазанның соңғы 10 күнінде иткафқа кіретін.
Қазір кей жерлерде толық болмаса да, қысқартылған түрде ниетпен иткаф жасауға болады.
4. Қайырымдылық жасау
Соңғы күндері садақа беру, мұқтаждарды тойдыру, киім-кешек беру — үлкен сауап.
Бұл түндерде жасалған әрбір жақсылық — еселеп сауап әкеледі.
5. Жақсы дұғаларды көбірек айту
Айша анамыз Пайғамбардан Қадір түнінде не айту керектігін сұрағанда, ол былай деген:
«Аллаһуммә иннәкә ‘афуувун, тўхиббуль-‘афуа фа‘фу ‘аннӣ»
(Мағынасы: «Уа, Алла! Сен кешірімдісің, кешіруді ұнатасың – мені кешір!»)
3
0
0
0
0
