Қытайдың Қазақстанмен шекаралас аймағында аусылдың (АА) жаңа штаммы анықталды

Қытайда 6229 бас малдан тұратын екі табындағы ірі қара малда аусылдың 219 жағдайы анықталды, деп хабарлайды BAQ.KZ.

Қытайдың мал шаруашылығы және ветеринария бюросының мәліметтері бойынша, індет Шыңжаңдағы Іле Қазақ автономиялық префектурасының Инин уезінде және Ганьсу провинциясының Увэй қаласындағы Гулан уезінде тіркелді.

Шыңжаң мен Ганьсуда инфекция анықталғаннан кейін санитарлық шаралар қабылдануда: жұқтырған ірі қара мал жойылуда, ал вирустың одан әрі таралуын тоқтату үшін аумақтар дезинфекциялануда.

Reuters агенттігінің сілтемесі бойынша, салалық сарапшылардың пікірінше, Қытай вирустың SAT1 нұсқасымен алғаш рет кездесіп отыр. Сондықтан, елде қолданылып жүрген вакциналар оған қарсы тиімсіз.

Аусыл – ірі қара малға әсер ететін өте жұқпалы вирустық ауру. Фермерлер үшін мұндай індеттер тек малдың шығынына ғана емес, сонымен қатар жануарлардың қозғалысы мен өнім саудасына шектеулерге де байланысты қауіп төндіреді.

SAT1 алғаш рет 1948 жылы Оңтүстік Африкада оқшауланған. Кейінірек оның кем дегенде 1930 жылдардан бері сол жерде айналымда жүргені анықталды. 2025 жылы ол өз шекарасынан тыс Батыс Азия елдеріне тез тарала бастады.