Қытайдың Хэбэй провинциясында толассыз нөсер жауын салдарынан екі адам қаза тапты, деп хабарлайды BAQ.KZ.
"Синьхуа" агенттігінің ақпаратына сәйкес, толассыз жауған жауыннан тағы екі адам із-түзсіз жоғалып кеткен.
Мәліметке сәйкес, табиғи апат Баодин қаласын басты. Апат салдары әлі де жалғасып жатыр. Жергілікті билік органдарының мәлімдеуінше, барлығы 46 235 адам табиғи апаттан зардап шеккен.
Сонымен қатар 4 600-ден астам тұрғын қауіпсіз жерлерге эвакуацияланған.
Қазіргі уақытта аймақта құтқару және көмек көрсету жұмыстары жалғасып жатыр.
