Қырғызстан Президенті Астанаға Орталық Азия мемлекеттері басшыларының VI консультативтік кездесуіне және «Орталық Азия + Жапония» диалогы мемлекеттер басшыларының бірінші саммитіне қатысу үшін келді, деп хабарлайды BAQ.KZ.
Онда интеграциялық үдерістерді одан әрі дамыту мәселелері талқыланады.
![Қырғызстан президенті Садыр Жапаров Астанаға келді](/userfiles/images/photo_2024-08-08_17-07-29%20(2).jpg)
Бұл туралы Үкіметтің баспасөз қызметі мәлім етті.
![Қырғызстан президенті Садыр Жапаров Астанаға келді](/userfiles/images/photo_2024-08-08_17-07-29.jpg)
Садыр Жапаровты Премьер-министр Олжас Бектенов әуежайда қарсы алды.
![Қырғызстан президенті Садыр Жапаров Астанаға келді](/userfiles/images/photo_2024-08-08_17-07-31.jpg)
Өткен жылдың қорытындысы бойынша Қазақстан мен Қырғызстан арасындағы тауар айналымы 26%-дан астам өсті. Осы жылдың 5 айында өзара сауда көлемі $614,3 млн-ды құрады, бұл ретте қазақстандық тауарлар экспорты 6,7%-ға артты.
![Қырғызстан президенті Садыр Жапаров Астанаға келді](/userfiles/images/photo_2024-08-08_17-07-30.jpg)
Қазір биылғы сәуір айында екі мемлекет басшылары қол қойған Қазақстан мен Қырғызстан арасындағы одақтастық қатынасты тереңдету және кеңейту туралы шарт ережелерін іске асыру бойынша үкіметтер деңгейінде бірлескен жұмыс жүргізілуде.
![Қырғызстан президенті Садыр Жапаров Астанаға келді](/userfiles/images/photo_2024-08-08_17-07-32.jpg)
Атап айтқанда, сауда-экономикалық, көлік-логистикалық ынтымақтастықты арттыру, су-энергетика, ауыл шаруашылығы салаларындағы өзара іс-қимылды тереңдету жұмыстары атқарылуда.
Бұған дейін Астанаға Әзербайжан Президенті Ильхам Әлиев келді.