Нұр-Сұлтан, BAQ.KZ. 14 маусымда Мемлекеттік шекараның қырғыз-тәжік учаскесінде шекарашылар арасында атыс болды. Қаза болғандар мен зардап шеккендер туралы деректер әлі түскен жоқ.
Қырғызстанның нұсқасы бойынша, таңертең Баткен ауданының Бұлақ-Башы деген жерінде Тәжікстан тарапынан «Бұлақ-Башы» шекара бекетіне оқ атылды. Бұған жауап ретінде қырғыз тарапынан тәжік бекетіне қарсы атыс болды.
Тәжікстан билігі қырғыз шекарашылары «Кех» заставасына, оның ішінде минометтерге оқ жаудырды деп мәлімдеді, оған тәжік тарапы жауап беруге мәжбүр болды.
24.kg-ның хабарлауынша, атыс себептерін анықтау және жағдайдың ушығуына жол бермеу үшін тараптардың шекара өкілдерінің кездесуі өткізіледі.
Қазіргі уақытта қырғыз-тәжік шекарасында атыс тоқтатылды. Айта кету керек, республикалар арасындағы бөлінбеген аумақтар кейде қақтығыс аймағына айналады.
