Ауа райының қолайсыздығына байланысты кешеден бері 112 желісіне 3500-ден астам қоңырау түсті, деп хабарлайды BAQ.KZ.
Астана қаласы ТЖД бөлімшелері қала маңында авариялық-құтқару жұмыстарын жүргізді, онда қар құрсауынан 2 автокөлікті эвакуациялады, адамдарды қалаға жеткізді. Қазіргі таңда ауа-райының нашарлауына байланысты көлік құралдарының барлық түрлері үшін республикалық маңызы бар автожолдарда төрт бағыт бойынша қозғалыс жабылды: Астана-Қорғалжын, Астана-Ерейментау-Шідерті, Астана-Анар станциясы, Астана-Щучинск.ТЖД қызметкерлері жоғары өтімді техникамен қаладан шығу бағыттары бойынша патрульдеу жүргізуде.
Елорда тұрғындары мен қонақтарына қала сыртына барудан бас тарту, қырағы болу, ауа райының өзгеруі және енгізілген шектеулер туралы ақпаратты қадағалау ұсынылады.
Құрылыс объектілері халықты және аумақты қолайсыз ауа-райының әсерінен қорғау жөнінде қосымша шаралар қабылдасын.
