Мемлекеттік кірістер комитеті Қазақстан мен Ресей шекарасындағы «Құрманғазы» өткізу пунктінде көлік құралдарының жиналып қалуына қатысты мәлімдеме жасады, деп хабарлайды BAQ.KZ.
Комитеттің баспасөз қызметінің мәліметінше, 2024 жылғы 4 қарашадағы жағдай бойынша Атырау облысының «Құрманғазы» өткізу пунктінде Ресей Федерациясына баратын маршрут бойынша 280-ге жуық жүк автокөлігі жинақталған.
Кептеліске «Атырау-Астрахань» тас жолында жөндеу жұмыстарының аяқталуы себеп болған, бұл көлік құралдарының санының күрт өсуіне әкелген.
Алайда аталған өткізу пунктінің өткізу қабілеті тәулігіне 200 АКҚ құрайды. Ал өткізу пунктіне күн сайын шамамен 250-300 АКҚ келеді. Мәселені жедел түрде шешу үшін Атырау облысы бойынша МКД пунктінде жұмыс істейтін мамандар саны 14 қызметкерге дейін ұлғайтылды, - делінген хабарламада.
Естеріңізге сала кетейік, көлік құралдарын өткізу өткен жылдан бастап ЕАЭО елдерімен 30 өткізу пунктінде, оның ішінде «Құрманғазы» өткізу пунктінде жоспарлы түрде іске қосылатын «CarGoRuqsat» электрондық кезек жүйесі арқылы жүзеге асырылады, ол биылдың 9 қыркүйегінен бастап қолданылады.
Қазіргі уақытта электронды кезекке байланысты проблемалар жоқ, барлық жүргізушіде өту талондары бар.
Өткізу пунктін кесіп өткенге дейін бір күн ішінде электрондық кезек мерзімдерінің өтуіне қатысты қазіргі уақытта ақпараттық жүйеде өткізу пунктінің өткізу қабілеттілігі асып кеткен жағдайда, кезекті брондау мүмкіндігі шектеле отырып, сондай-ақ паспорттық, бақылаудың өзге де түрлерін және шектес тараптың өткізу қабілеттілігі мүмкіндіктері ескеріле отырып, пысықтаулар жүргізілгені хабарланады.
Мемлекеттік кірістер комитеті Шекара қызметімен бірлесіп, көліктің кешігуін азайту және өткізу пунктіндегі жағдайды тезірек шешу үшін барлық күш-жігерін салады.
МКК Мемлекеттік шекаралар арқылы, оның ішінде Мемлекеттік кірістер комитетінің ақпараттық жүйелерінің көмегімен жүру маршруттарын алдын ала жоспарлауды сұрады.
