Прокуратура заңсыз берілген 37 жер телімін, сондай-ақ құны 900 миллион теңге болатын «Сарыарқа» хоккей клубын мемлекет меншігіне қайтарды, деп хабарлайды BAQ.KZ.
2023 жылғы 12 шілдеде Мемлекет басшысы «Заңсыз иемденілген активтерді мемлекетке қайтару туралы» заңға қол қойды.
Негізгі міндеттер заңсыз алынған мүлікті анықтау және мемлекетке қайтару, сондай-ақ экономикалық ресурстардың заңсыз шоғырлануына және мүлікті заңсыз алып қоюға ықпал еткен себептер мен жағдайларды анықтау.
Прокуратура заңсыз берілген 37 жер телімін, сондай-ақ құны 900 миллион теңге болатын «Сарыарқа» хоккей клубын мемлекет меншігіне қайтарды. Қазір прокурорлар мемлекеттік мүлікті жекешелендірудің заңдылығын тексеріп жатыр, - делінген Қарағанды облысының прокуратурасы таратқан хабарламада.
Мемлекеттің экономикалық мүдделерін қалпына келтіру мақсатында заңсыз алынған және жекешелендірілген барлық мемлекеттік мүлікке қатысты прокурорлық қадағалау және ден қою шаралары қабылданатын болады.
