Арқалық қаласында Байтұрсынов көшесіндегі бес қабатты тұрғын үйлердің бірінде бірінші қабаттағы пәтерде электр велосипедтің аккумуляторы жанды, деп хабарлайды BAQ.KZ.
ТЖМ күшімен түтін аймағынан баспалдақ маршы арқылы 13 адам, оның ішінде 5 бала эвакуацияланды.
Бірнеше минут ішінде өрт сөндірушілер барлау жұмыстарын жүргізді. Өрттің себебі – электр велосипед аккумуляторының қысқа тұйықталуы екені анықталды. Өрт өздігінен сөніп, бөлме түтіннен желдетіп тазартылды. Зардап шеккендер жоқ, - деп жазылған ТЖМ хабарламасында.
