Нұр-Сұлтан, BAQ.KZ. Синоптиктер 21 маусымда еліміздің 5 өңірінде ауа райына байланысты ескерту жариялады.
Солтүстік Қазақстан облысының басым бөлігінде жаңбыр жаууы мүмкін. Тәулік бойы кей жерлерде найзағай жарқылдап, дауыл соғып, бұршақ жауады. Оңтүстік-батыстан жел соғады, түнде кей жерлерде желдің жылдамдығы 15-20 м/с жетеді.
Ақмола облысының кей жерлерінде күндіз найзағай жарқылдайды. Оңтүстік-батыстан соғатын желдің күші 15-20 м/с жетеді. Кей жерлерде өрт шығу қауіпі өте жоғары.
Қостанай облысының кей жерлерінде найзағай, оңтүстік-батыстан соғатын жел солтүстікке ауысады, күші кей жерлерінде 15-20 м/с дейін жетеді.
Батыс Қазақстан облысының кей жерлерінде найзағай жарқылдап, солтүстіктен, солтүстік-шығыстан соғатын желдің жылдығы 15-20 м/с жетеді. Өңірде 36 градусқа дейін аптап ыстық болады.
Маңғыстау облысының кей жерлерінде найзағай жарқылдайды. Жел оңтүстік-шығыстан солтүстік-батысқа ауысады, күші кей жерлерде желдің жылдамдығы 15-20 м/с жетеді. Күндіз кей жерлерде шаңды дауыл соғып, күн 38 градусқа дейін ысиды.
