Қазгидромет Алматы тұрғындарына ескерту жасады

Қазгидромет Алматы мен еліміздің басқа қалаларындағы тұрғындарына ескерту жариялады, деп хабарлайды BAQ.KZ.

2025 жылдың 11 сәуірінде Қарағанды, Өскемен, Алматы қалаларында ауа сапасының нашарлауына байланысты қолайсыз метеорологиялық жағдайлар күтілуде, – делінген хабарламада.

Қолайсыз метео жағдайлар - бұл қысқа мерзімді метеорологиялық факторлардың (штиль, әлсіз жел, тұман, инверсия) жиынтығы, олар зиянды (ластанушы) заттардың жер бетіне жақын қабатында жиналуына ықпал етеді.

Алматыдағы ауа райы

Алматыда 11 сәуірде көшпелі бұлтты ауа райы сақталады, жауын-шашынсыз. Жел оңтүстік-батыстан 3-8 м/с. Түнде ауа температурасы 10-12°C, күндіз 21-23°C болады.