Нұр-Сұлтан, BAQ.KZ. Нұр-Сұлтан қаласында QazForum – қазақ тілді онлайн медиаға арналған ең ірі кәсіби форум өтеді.
Жыл сайын Форумда қазақ тілді медиа саласындағы үздік сарапшылар, журналистер, блогерлер мен влогерлер, веб-сайттардың бас редакторлары кәсіби тәжірибесімен бөлісу, шетелдік және жергілікті спикерлерден білім алу, бейресми ортада қарым-қатынас құру мақсатында бас қосады.
Биыл Форум аясында қазақ тілді онлайн контенттен ақша табу, Қазақстан медиа нарығын дамыту мәселелерін талқылау, сондай-ақ, жетекші медиа сарапшыларының қатысуымен шеберлік сабақтары мен тренингтерді өткізу жоспарланған – дейді ұйымдастырушылар.
Форумға бастама беруші және идея жағынан шабыт беруші - Қазақстан Республикасындағы АҚШ Елшілігі, ұйымдастырушы - Қазақстан Баспасөз клубы.
2020 жылдың 7 ақпанында өтетін іс-шараға онлайн-БАҚ өкілдері, блогерлер, медиа сарапшылар қатыса алады.
Тіркелу үшін және форум жайлы толығырақ ақпаратты алу үшін www.fkoc.kz сайтын қараңыз.
