Нұр-Сұлтан, BAQ.KZ тілшісі. Бұл туралы Орталық Азия мемлекеттері басшыларының IV Консультативтік кездесуінде Мемлекет басшысы Қасым-Жомарт Тоқаев мәлімдеді.
Көп тарапты өзара әрекеттің берік экономикалық базасын қалыптастыру өзекті мәселе болып қала бермек. Соңғы жылдары осы бағытта елеулі нәтижелерге қол жеткізілді. Соңғы 5 жылда Қазақстанның Орталық Азиядағы өзге мемлекеттермен тауар айналымы 42%-ға артып, 6,3 млрд долларға жетті. Өзара сауданы ұлғайту үшін ауқымды резервтің болуын есепке ала отырып, келешекте бұл көрсеткішті 15 млрд долларға дейін жеткізген дұрыс, - деп атап өтті Президент.
Сонымен қатар Мемлекет басшысы өндіріс пен сауда саласына тоқталды.
Санкциялық соғыс пен үдеп келе жатқан протекционизм тудырған жаһандық рецессияның төніп тұрған қаупі өңірлік экономикалық әріптестікті жылдам дамыту мәселесінің жоспарын алғашқы жоспарға шығарды. Өндірістік және жеткізудің сауда тізбектерінің бұзылуына сәйкес аймақтандыру үрдісі барлық жерде және барынша нақты байқалады. Осы тұрғыда біздің мемлекеттеріміз арасында мен келтірген көрсеткіштер бар әлеуетті толықтай көрсетпейді. Орталық Азияның экономикалық кооперациясы біздің ұлттық экономикамыздың өсуінің басты болмаса да, негізгі көздерінің бірі бола алады, - деді Қасым-Жомарт Тоқаев.
