Қазақстанда қанша педагог бар?

Қазақстанның барлық білім беру ұйымдарында 600 мыңға жуық педагог жұмыс істейді, деп хабарлайды BAQ.KZ.

Бұл туралы Оқу-ағарту министрлігінің баспасөз қызметі мәлімдеді.

Оның ішінде 400 000-нан астам педагог мектептерде, 42 000-нан астам педагог техникалық және кәсіптік білім беру ұйымдарында білім береді. 

Мектепке дейінгі ұйымдарда 102 000-нан астам тәрбиеші жұмыс істейді.

Еске салайық, бұған дейін Президент Қасым-Жомарт Тоқаев алдағы Ұстаздар күнімен құттықтап, бір топ ұстазды марапаттады.