Қазақстанда пошташылар айына шамамен 160 мың теңге жалақы алады, деп хабарлайды BAQ.KZ тілшісі.
Бұл туралы Мәжіліс кулуарында Қазпошта төрағасы Әсел Жанасова айтты.
Пошташылар алатын орташа жалақы 160 мың теңге. Бірақ әртүрлі пошташылар бар. Мысалы, халық аз тұратын ауылдарда аптасына немесе айына 2 хат келуі мүмкін. Яғни ол жердегі пошташылар аптасына екі рет бір сағаттан жұмыс істейді. Оларға толық лауазымдық жалақы төлеген дұрыс емес деп ойлаймын, себебі күндіз-түні жұмыс істейтін пошташылар бар. Барлығына бірдей жағдай жасалған, - деді ол.
Сөзінше, аптасына екі сағат жұмыс істеген жағдайда мөлшерлеме де төмен болады.
Бұған дейін Қазпошта басшысы қандай жалақы алатынын жаздық.
