Нұр-Сұлтан, BAQ.KZ. Қазақстан коронавирусқа қарсы тағы екі вакцинаны жасау жұмысын аяқтап қалды. Бұл туралы вирусолог-вакцинолог, профессор Қайсар Табынов мәлімдеді , деп хабарлайды Sputnik Қазақстан.
Вакциналар денсаулық министрлігіне қарасты сынақ зертханасында клиникаға дейінгі зерттеулерден өтті. Сынақтың бірнеше сатысы болды. Олар:
өткір уыттылық кезіндегі қауіпсіздік (тышқандар, егеуқұйрықтар, соның ішінде буаз жануарлар);
дозаны көп мөлшерде және жиі салған кездегі уыттылықтың ішкі органдарға әсер ету дәрежесі мен қауіпсіздігі (тышқандар, егеуқұйрықтар, соның ішінде буаз жануарлар);
аллергия реакциясы (тышқандар, теңіз шошқалары, соның ішінде буаз жануарлар).
Екі вакцина да сынақтан өтіп, толығымен қауіпсіз екпе деп танылды. Алдағы уақытта клиникалық зерттеудің I кезеңі басталады.
Осының арқасында Қазақстан вирустық инфекциялардың пандемиясына барынша дайын болады.
