Астанада «Қазақстандағы Civic Tech: жағдайлар, қиындықтар, перспективалар» атты баспасөз мәслихаты өтті, деп хабарлайды BAQ.KZ.
Іс-шарада Орталық Азияның Еуразиялық қоры (ОАЕҚ) қазақстандықтардың қоғам өмірін жақсартуға және әділдікке жетуге бағытталған цифрлық жобаларының бірегей топтамасын ұсынды.
Баспасөз мәслихатында құралды презентациялаудан басқа гендерлік зорлық-зомбылықтың алдын алу әрі әйелдерді шешім қабылдау процесіне тарту, экологиялық белсенділік пен Кіші Талдыкөлді құтқару, азаматтық бастамалардың мемлекетпен әрі халықпен жұмысы бойынша пікірталас болды.
«Civic Tech әрекетте: Қазақстанды өзгертетін жобалар» жинағына азаматтық белсенділер мен коммерциялық емес ұйымдар енгізген цифрлық құралдарды көрсететін 11 жетістік туралы оқиғалар бар.
Біз ақпараттық науқан жүргіздік, серіктестермен бірігіп, нәтижесінде біз айтуды ұйғарған шабыттандыратын 11 оқиға таптық. Бұл жай ғана әңгімелер емес, азаматтық технологияларды пайдалана отырып, әрқайсымыз айналамыздағы әлемді қалай өзгерте алатынымызды көрсететін мысалдар», - команданың алғы сөзінде осылай делінген.
Жинақта ұсынылған жағдайлардың барлығы әртүрлі әлеуметтік мәселелерге, соның ішінде қоршаған ортаны қорғауға, үкіметтің есеп беруге міндеттілігіне және жасөспірімдердің репродуктивті денсаулығына қатысты хабардарлығын арттыруға бағытталған.
Авторлардың айтуынша, жинаққа азаматтық белсенділік пен қолжетімді технологиялардың маңыздылығын көрсететін тәуелсіз цифрлық жобалар енгізілген.
Жинақты ОАЕҚ командасы «Сенің дауысың маңызды. Азаматтардың технология арқылы шешім қабылдауға қатысуы» жобасы аясында Еуропалық Одақтың (ЕО) қаржылық қолдауымен жүзеге асырды.
«Civic Tech әрекетте: Қазақстанды өзгертетін жобалар» жинағының онлайн нұсқасы Орталық Азияның Еуразия қорының ресми сайтында қазақ және орыс тілдерінде қолжетімді.
