Қазақстанның Швейцариядағы Елшісі Қайрат Саржанов Қазақстан мен Швейцария арасындағы сауда-экономикалық және инвестициялық мәселелері талқыланды, деп хабарлайды BAQ.KZ.
Сондай-ақ Швейцарияның Федералдық Кеңесшісі, Экономика, білім және ғылым федералды департаментінің басшысы Ги Пармеленмен кездесті.
Әңгімелесу барысында Қазақстан Елшісі әңгімелесушіні ағымдағы құрылымдық қайта құрулардың негізгі бағыттарымен, қазақстандық экспорттың тауар номенклатурасын кеңейту және инвестициялық ахуалды жақсарту жөніндегі шаралармен таныстырды, сондай-ақ экономиканың Еуропалық бизнес үшін ашықтығын атап өтті. Қазақстандық дипломат көлік-логистика, энергетика және Жасыл экономика, атап айтқанда қалдықтарды қайта өңдеу және кәдеге жарату салаларындағы ынтымақтастықты кеңейтудің перспективалық бағыттарын атап өтті.
Өз кезегінде Федералдық Кеңесші Қазақстанда жүргізіліп жатқан өзгерістерге оң баға беріп, швейцариялық тараптың өзара іс-қимылды кеңейтуге және экономикалық ынтымақтастықтың жаңа мүмкіндіктерін іздеуге дайындығын растады. Г. Пармелен Қазақстанның географиялық жағдайының стратегиялық маңыздылығын және Дүниежүзілік азық-түлік және энергетикалық қауіпсіздікті қамтамасыз ету үшін орта дәліздің өсіп келе жатқан рөлін ескере отырып, көлік-логистика саласын дамытудың маңыздылығын ерекше атап өтті.
Кездесу барысында Астанада жоспарланған Қазақстан-Швейцария іскерлік кеңесінің кезекті отырысын өткізу мәселелері қаралды.
