Қостанай облысында Қазақстан мен Ресей шекарасына жақын орналасқан KZ 10-05 республикалық автожолының бір бөлігіне су жайылды. Бұл жағдай 16 наурыз күні қардың күрт еруі мен су деңгейінің көтерілуіне байланысты орын алды, деп хабарлайды BAQ.KZ.
Судың жайылу аумағы шамамен 40 метрді құрайды, ал тереңдігі – 10 сантиметрге дейін жетеді. Алайда қазіргі уақытта жол қозғалысына ешқандай шектеу қойылған жоқ.
«Аталмыш учаске Қазақстан мен Ресей Федерациясы арасындағы бейтарап аймақта орналасқан. Бұл аймақта көпір өткелі жоқ болғандықтан, су тасқыны жыл сайын қайталанады. Қауіпсіздікті қамтамасыз ету мақсатында тәулік бойы кезекшілік ұйымдастырылып, арнайы белгілер қойылды. Сонымен қатар, оқиға орнында 2 бірлік арнайы техника мен 3 маман жұмыс істеп жатыр», – деп хабарлады «ҚазАвтоЖол».
Қазіргі таңда Қазақстан мен Ресей тарапы бұл аумаққа көпір салу мәселесін бірлесе талқылап жатыр
