Қытайдың Қазақстандағы елшісі Чжан Сяо ҚХР басшысы Си Цзиньпиннің Қазақстанға мемлекеттік сапарының маңызы мен Астана саммиті жайлы айтты, деп хабарлайды BAQ.KZ тілшісі.
Қазақстан Президенті Қасым-Жомарт Тоқаевтың шақыруымен Қытай төрағасы Си Цзиньпин 2-4 шілдеде Қазақстанға жасаған мемлекеттік сапары ойдағыдай өтіп, Астанада ШЫҰ саммитіне қатысты.
Сапар барысында Төраға Си Цзиньпин мен Президент К.К. Тоқаев келіссөздер жүргізіп, екіжақты қарым-қатынастарды талқылады. Мемлекет басшылары негізгі салалардағы, сондай-ақ халықаралық және аймақтық жағдайдағы ынтымақтастық туралы терең пікір алмасып, кең консенсусқа қол жеткізді. Сондай-ақ екі ел арасындағы мәңгілік жан-жақты стратегиялық серіктестіктің жаңа жоспарын белгілеген ҚХР мен Казақстанның бірлескен мәлімдемесіне қол қойды. Екі мемлекет басшыларының қатысуымен сауда-экономикалық, көлік-логистика, энергетика, ауыл шаруашылығы, ғылыми-техникалық, мәдени-гуманитарлық және басқа да басым салалардағы ынтымақтастық туралы үкіметаралық және ведомствоаралық құжаттарға қол қойылды, - деді елші.
Чжан Сяо атап өткендей, Қытай басшысы Си Цзиньпин Қазақстанға сапары барысында Астанада өткен ШЫҰ саммитіне де қатысып, қатысушы елдердің басшыларымен түрлі салалардағы ынтымақтастық және жаңа жағдайдағы өзекті халықаралық және аймақтық мәселелер бойынша терең пікір алмасты. Сондай-ақ ШЫҰ-ны одан әрі дамыту жөнінде шешімдер қабылдады. Төраға Си елдерді адамзаттың ортақ болашағы бар жақын қоғамдастық құру үшін бірлесіп жұмыс істеуге шақырды.
Бұл сапар Си Цзиньпиннің Қазақстанға жасаған бесінші сапары және екі мемлекет басшыларының тоғыз айдағы екінші кездесуі. Қазақстан Қытай Халық Республикасы басшысының COVID-19 індетінен кейін екі рет барған жалғыз елі болды. Мұның барлығы Қытай-Қазақстан қарым-қатынасының жоғары деңгейі мен ерекшелігін толық көрсетеді. Төраға Си Цзиньпиннің бұл сапары достық және өзара тиімді ынтымақтастық сапары саналады. Бұл Қытай мен Қазақстан арасындағы дәстүрлі достықты сақтау және нығайту және олардың арасындағы ынтымақтастықтың жарқын болашағын ашу үшін үлкен маңызға ие. Бұл сапар толық табысты болды және жемісті нәтижелер әкелді, ол Қытай-Қазақстан қарым-қатынасының дамуына, аймақтық тұрақтылық пен өркендеуге күшті серпін беріп қана қоймай, сонымен қатар қазіргі аласапыран әлемге көбірек тұрақтылық, сенімділік пен оң қуат әкелді, - деп түсіндірді Қытай елшісі.
Чжан Сяоның сөзінше, адамдар арасындағы байланыс - мемлекетаралық қатынастардың дамуының күре тамыры. Төраға Си Цзиньпиннің сапары барысында екі ел гуманитарлық саладағы ынтымақтастықтың жемісті нәтижелеріне қол жеткізді. Білім, ғылым және техника, мәдениет, БАҚ, жергілікті ынтымақтастық және басқа да салалардағы ынтымақтастық туралы бірқатар құжатқа қол қойылып, екі елдің мәдени орталықтары мен Бейжің Тілдер университетінің қазақ филиалы сәтті ашылды. Қытай Қазақстанда екінші «Лу Бань шеберханасын» ашып, келесі жылы Қазақстанда «Қытай туризм жылын» өткізуге шешім қабылдады.
Осыдан 32 жыл бұрын дипломатиялық қарым-қатынас орнағаннан бері Қытай мен Қазақстан қарым-қатынасы қарқынды дамып, стратегиялық әріптестік тарихындағы ең жоғары деңгейге жетті. Сапар барысында екі мемлекет басшылары Қытай-Қазақстан қарым-қатынастарын стратегиялық және ұзақ мерзімді перспективада жаңа дәуірде дамыту жоспарын әзірлеп, бірлескен мәлімдемеге қол қойды. Екі жақтың тиісті ведомстволары екіжақты ынтымақтастық туралы бірқатар құжаттарға қол қойды, бұл Қытай мен Қазақстан арасындағы мәңгілік достықпен, өзара сенімнің жоғары деңгейімен және өзара сабақтастығымен сипатталатын тағдыры ортақ қауымдастықтың құрылысына қуатты серпін берді, - деді ҚХР елшісі.
Дипломат 23 жыл ішінде ШЫҰ ең үлкен аумақпен, әлемдегі ең үлкен халықпен және үлкен даму әлеуетімен, сондай-ақ қауіпсіздікті қамтамасыз етуге тосқауыл, ынтымақтастық көпірі, достық байланысы және конструктивтілік күшімен аймақтық ынтымақтастық ұйымына айналғанын атап өтті.
Қазіргі уақытта ғасырда бұрын-соңды болмаған өзгерістер барған сайын жылдам қарқынмен жүріп жатыр, әлем тұрақсыздық пен трансформацияның жаңа кезеңіне аяқ басты, ал елдер шексіз қиындықтарға тап болды. Осы күрделі және тұрақсыз халықаралық жағдайда ШЫҰ-ның маңызы мен рөлі барған сайын айқындала түсуде, ал өңір елдерінің және халықаралық қоғамдастықтың ШЫҰ-ға қатысты күтулері одан сайын артып келеді. ШЫҰ "өзара сеніммен, өзара тиімділікпен, тең құқықпен, консультациялармен, өркениеттердің алуан түрлілігіне құрметпен, бірлескен дамуға ұмтылумен" сипатталатын "Шанхай рухын" ұстануға, өзінің ішкі бірлігін одан әрі нығайтуға, ынтымақтастық бойынша консенсус қалыптастыруға, бүкіл адамзаттың ортақ құндылықтарын ілгерілетуге, гегемония мен күш саясатына қарсы тұрып, ШЫҰ-ның ұлттық мүдделерін батыл қорғауы керек.
ШЫҰ-ның ротациялық төрағасы болған уақытында Қазақстан өзміндеттерін белсенді орындады, прагматикалық және тиімді әрекет етті, жемісті нәтижелерге қол жеткізді. ШЫҰ дамуына маңызды үлес қосты және барлық тараптың жоғары бағасына ие болды, - деп дипломат Қазақстанның жұмысын бағалап, құттықтады.
Чжан Сяо атап өткендей, Астанадағы саммиттен кейін Қытай ШЫҰ-ға кезекті төрағалығын бастады. Қытай бұған үлкен мән береді және өзінің төрағалық міндеттерін адал орындайды.
Қытай барлық тараптармен бірге "Шанхай рухы" туын жоғары ұстауды, ұйымның институционалдық құрылысын нығайтуды, саясат, қауіпсіздік, экономика, сауда және тұлғааралық алмасу салаларындағы ынтымақтастықты тереңдетуді, сондай-ақ ШЫҰ дамуының жоғары сапасын ілгерілетуді, біртұтас тағдыры барШЫҰ-ның неғұрлым тығыз қоғамдастығын құруға жәрдемдесуді және өңірлік қауіпсіздік пен және мүше мемлекеттердің дамуы мен өркендеуіне жәрдемдесу.
