Қазақстандық конькиші қыздар Италияда жасөспірімдер арасында өткен Әлем кубогының кезеңінде "алтын" медаль жеңіп алды.
Алена Лифатова, Алина Дауранова және Арина Ильященко жасөспірімдер арасындағы нео-сеньорлар санатындағы командалық спринтте жеңіске жетіп, Қазақстанға бір күнде екінші алтын медальді сыйлады.
Жарыс Коллальбода (Италия) өтті.
Олар 1:35.56 уақыт көрсеткішін тіркеді. Күміс жүлдені Италия спортшылары (1:37.71) жеңіп алса, қола жүлде Норвегия құрамасына (1:39.20) бұйырды.
Бұған дейін Қазақстан құрамасының қоржынына алғашқы алтынды Алина Дауранова салған еді.
