Қазақстанның елшісі Болгария Республикасының жоғарғы наградасымен марапатталды, деп хабарлайды BAQ.KZ.
Бұл туралы ҚР СІМ баспасөз қызметі мәлім етті.
Болгария Республикасының Президенті Румен Радевтің 2023 жылғы 8 ақпандағы жарлығымен өз дипломатиялық миссиясын 2022 жылғы желтоқсанда аяқтаған Қазақстанның Болгариядағы Төтенше және Өкілетті елшісі Теміртай Рымтайұлы Ізбастин Болгария мен Қазақстан арасындағы екіжақты достық қатынастарды нығайту мен дамытудағы аса зор еңбегі үшін бірінші дәрежелі «Мадар салт атты» орденімен марапатталды.
Айта кетейік, «Мадар салт атты» орденімен Болгария және шетел азаматтары Болгария Республикасымен екіжақты қатынастарды орнатуда, нығайтуда және дамытуда ерекше сіңірген еңбегі үшін марапатталады.
