Елордадағы «Барыс Арена» спорт кешенінде өтіп жатқан «Қазақстан барысы-2023» республикалық турнирінің қола жүлде иегері белгілі болды, деп хабарлайды BAQ.KZ.
Турнирдің қола жүлдесін павлодарлық Мұхтар Дәлелханұлы жеңіп алды.
Еске сала кетейік, елордада Астана күніне орай қазақ күресінен «Қазақстан барысы – 2023» республикалық турнирі өтіп жатыр. Жарысқа өңірлерде іріктеу кезеңдерінен өтіп, «Қазақстан барысы – 2023» финалына жолдама алған мықты палуандар қатысады. Қазақ күресінен республикалық турнир 2011 жылдан бері тұрақты негізде ұйымдастырылып келеді.
Әр өңірден екі спортшыдан қатысады, олар абсолютті салмақ дәрежесінде өнер көрсетеді. Биыл қатысушылардың жалпы саны – 41 палуан: әр өңірден екі спортшыдан,сондай-ақ «Әскер Барысы» күш құрылымдары арасындағы турнирдің және өткен жылғы іріктеудің жеңімпаздары.
