Ұлттық музейде "Қазақ даласындағы Оғыз тарихи мұрасы" фотокөрменің тұсаукесері өтті, деп хабарлайды BAQ.KZ тілшісі.
.JPG)
Бүгін Ұлттық музейде Бозоқ мемлекеттік тарихи-мәдени музей-қорығы, Қызылорда облыстық тарихи-өлкетану музейі мен Юнус Эмре түрік мәдениет орталығының ұйымдастыруымен "Қазақ даласындағы Оғыз тарихи мұрасы" атты фотокөрменің тұсаукесері өтті.
Көрмеге Түркияның Қазақстандағы Төтенше және Өкілетті елшісі, Парламент депутаттары, Қазақстандағы дипломатиялық корпус өкілдері қатысты.
Фотокөрмеге оғыз тарихи ескерткіштерінің 30 фотосуреті және Қызылорда облыстық тарихи-өлкетану музейі қорынан Сырдария оғыздарының материалдық мәдениетін қамтитын ҮІІ-XI ғғ. Жанкент, Күйіккескен, Сортөбе, Асанас қалашықтарынан табылған 56 археологиялық жәдігер қойылды.
Біздің Түркияның Қазақстанмен қазіргі көп қырлы қарым-қатынасымыздың маңызды өлшемдерінің бірі, сөзсіз, біздің мәдени және тарихи мәселелердегі ынтымақтастығымыз деп айтар едім. Біз үшін Қазақстан тек қана өте жақсы қарым-қатынасқа ие ел ғана емес, сонымен бірге мәдени мұрамыз ортақ және бір-бірімізбен бауырластық заңмен байланысқан елдерміз. Біз Түркия түріктері негізінен жататын оғыз құрамы мен қазақ бауырларымыз кіретін қыпшақ түркі құрамы түріктік шынарының бұтақтары іспеттес. Қазақ даласынан шыққан оғыз іздерін айтып отырғанымыздай, Қыпшақ деп аталатын елді мекендер орналасқан Әзербайжан және Анадолының әртүрлі аймақтарында Құман-Қыпшақ тайпаларының іздерін кездестіруге болады. Жаңа ғана қойылған Қорқыт ата шығармаларынан құралған туынды да осының жарқын мысалы. Сондықтан ортақ тарихымызды жан-жақты зерттеп, ортақ мәдениетімізге қатысты осындай жобаларды қолға алып, Түрік-Қазақ қоғамдары арасындағы осындай ортақ ұғымның келешек ұрпаққа жеткізілуі біз үшін үлкен қуаныш, - деді Түркия Республикасы Төтенше және өкілетті елшісі Мустафа Капуджу.
Экспонаттар ішінде VIІІ-ХІ ғғ. жататын қыш құмыралар, саптыаяқтар, қола бұйымдар, мыс теңгелер, ортағасырлық дастархан, ХІҮ-ХҮ ғғ. жататын медициналық құралдарды, шыңылтырлы қаптамалар, сырға, алтын түймелер, маржандарды бар.
Көрме 1 апта бойы ашық болады.
