27 жастағы ақмолалық құтқарушы Айдос Сабдин Жан-Клод Ван Дамның атышулы шпагатын қайталап, трюкті жаңа деңгейге көтерді, деп хабарлайды BAQ.KZ тілшісі.
Ол қозғалыстағы екі қайықтың үстінде шпагат жасап, су үстінде тепе-теңдігін сақтады.
Айдос Сабдин Ақмола облыстық ТЖД жедел-құтқару жасағының қызметкері. Ол азаматтық қорғау саласында екі жылдан астам уақыт қызмет етіп келеді. Жұмыстағы ерлігімен қатар, ол ММА және ушу саньда спорттарынан әлем және Азия чемпионы, сондай-ақ "BATYR TEAM" құрамасының мүшесі, - деп жазылған ТЖД хабарламасында.
Оның осы ерекше трюгі әлеуметтік желіде қызу талқылануда.
Еске салайық, бұған дейін жүріп бара жатқан көлік үстіндегі шпагатты оралдық өрт сөндіруші жасаған болатын.
