Қарағандыда өрт сөндірушілер жеңіл автокөліктегі өртті сөндірді, деп хабарлайды BAQ.KZ.
Бұл туралы Төтенше жағдайлар министрлігі мәлімдеді.
Белгілі болғандай, түнде Қарағандыда Штурманская көшесінің бойында мотор бөлімі мен автомобиль салонынан өрт шыққан.
Оқиға орнына жедел келген құтқарушылар автокөліктің мотор бөлігіндегі отты тоқтатып, сол арқылы көлікті өрттен қорғады. Өрт қоңырау түскен сәттен бастап 22 минут ішінде жедел сөндірілді, - делінген ведомство хабарламасында.
Зардап шеккендер жоқ, себебі анықталып жатыр.
