Ахмет Байтұрсыновтың 150 жылдығына орай Ұлы Ұстаздың есімімен аталған Қарағанды гимназиясы аумағында ескерткіш орнатылды, деп хабарлайды BAQ.KZ.
Жұмыс авторы – Қарқаралы ауданының мемлекеттік мұрағатының басшысы Манарбек Кәрім. Автордың айтуынша ескерткішті дайындауға ол бір аптаға жуық уақыт жұмсаған. Алайда қолайлы материал іздеуге біраз уақыт кеткенін айтады.
Ескерткіш үшін тасты біз Қарқаралы ауданындағы Қорғантас тауынан қолдандық. Монументтің ені – 1,2 метр, биіктігі – 2,7 метр. Оның салмағы шамамен 2 тонна. Тұтас тастан қаланған ескерткіш Қарқаралыда жасалып, кейін Қарағандыға көшірілді. Әдетте мен кішігірім тапсырыстармен айналысатынмын, петроглифтер салдым. Маған ұлым көмектесетін, қазір ол әскерде. Ол суреттерді салатын, мен тасқа қашаумен айналыстым. Бұл жолы бәрін жалғыз өзім жасау оңайға соққан жоқ, – дейді Манарбек Кәрім.
Мектеп-гимназия аумағында ескерткіш орнатуға белгілі ақын және айтыскер Айтбай Жұмағұл бастамашы болды.
Ахмет Байтұрсыновқа қарап, балалар ұлы ғалым мен педагогқа теңесетін болады. Дәл осы мақсатта біз гимназия ауласына ескерткіш орнатуды қолға алдық, – деді Айтбай Жұмағұл.
Мектеп оқушылары болған кезімізде біздің оқу орнымыз Ұлт ұстазы Ахмет Байтұрсыновтың есімімен аталады деп ойлай алмадық, аумақта оның бейнесі мәңгі сақталады және мұнда қазақ тілінде сабақ беретін болатының білмедік. Мұның бәрі еліміздің тәуелсіздігінің арқасында мүмкін болды. Ахмет Байтұрсынов бүкіл өмірін біз еркін және білімді болуға арнады, – деді ескерткіш ашылған кезде қалалық білім бөлімінің басшысы Есентай Әшім.
Ескерткіштің ашылу құрметіне гимназияның 4-сынып оқушысы Ахмет Қайыртаев ие болды. Ол лингвист-ғалымның бір шығармасын жатқа оқып, жиналғандарды қуантты.
Мектеп-гимназия 1964 жылы салынған. Ахмет Байтұрсыновтың есімі оған 2018 жылы берілді, бүгінгі күні гимназияда 500-ден астам бала оқиды.
