Шілде-тамызында Ұлттық қауіпсіздік комитеті Бас Прокуратураның үйлестіруімен Астана және Щучинск қалаларында атыс қаруы мен оқ-дәрілердің заңсыз айналымына қатысы бар бір топ адамдардың заңға қайшы әрекетінің жолын кесу бойынша іс-шаралар өткізді, деп хабарлайды BAQ.KZ Ұлттық қауіпсіздік комитетіне сілтеме жасап.
Астанадағы тінту кезінде Қаңтар оқиғасында ұрланған 2 «Калашников» автоматы мен 43 оқ-дәрі, Щучинск қаласынан 7 атыс қаруы, 4 тапанша және 1500-ден астам түрлі калибрлі оқ-дәрі табылды, - деп жазылған хабарламада.
![Қаңтар оқиғасы: Ұрланған қару-жарақ Астана мен Щучинсктен табылды](/userfiles/images/51359006fc9edf6483385047ba0c4511_1280x720.jpg)
Сот-баллистикалық сараптамалар тағайындалып, сотқа дейінгі тергеп-тексерулер жүргізілуде.
![Қаңтар оқиғасы: Ұрланған қару-жарақ Астана мен Щучинсктен табылды](/userfiles/images/9c5d168c0512cee37e70b051e5d622b8_1280x720.jpg)
Жалпы биылғы жылдың басынан ҰҚК полиция органдарымен бірлесіп қарудың заңсыз айналымының 13 арнасын, сондай-ақ оны жасырын жасайтын 2 цехты жойды.
![Қаңтар оқиғасы: Ұрланған қару-жарақ Астана мен Щучинсктен табылды](/userfiles/images/decaed8c0c477dd956febdcd9515b608_1280x720.jpg)
41 автомат, 203 мылтық, 121 тапанша, 57 қол гранатасы, 1 гранататқыш, 44 жарылғыш құрылғы және әртүрлі калибрдегі 11 138 патрон тәркіленді.
![Қаңтар оқиғасы: Ұрланған қару-жарақ Астана мен Щучинсктен табылды](/userfiles/images/b534807c0e756ead03b465d9ef468f2e_1280x720.jpg)
Қарудың заңсыз айналымымен күрес бойынша іс-шаралар жалғасуда.