Бұл туралы Премьер-министрдің орынбасары Ермек Көшербаев депутаттардың сауалына берген жауабында айтты, деп хабарлайды BAQ.KZ тілшісі.
Кәмелетке толған балаларынан алимент өндіріп алуға қатысты "Неке, ерлі-зайыптылық және отбасы туралы" кодексіне сәйкес еңбекке жарамды кәмелетке толған балалар өздерінің көмекке мұқтаж, еңбекке жарамсыз ата-аналарын күтіп-бағуға және оларға қамқорлық жасауға міндеттеледі.
Қамқорлық жасалмаған жағдайда балаларынан сот тәртібі арқылы алимент өндіріп алуға құқылы. Бұл ретте, алимент өндіріп алу құқығы жеке тұлғаның қарт адамның жеке шешіміне байланысты жүзеге асырылады, - делінген Көшербаевтың ресми жауабында.
2
0
0
0
0
