Мемлекет басшысы Қасым-Жомарт Тоқаев Ақмола облысына жұмыс сапары аясында Степногорск қаласындағы «Қазақстанның жылыжай технологиялары» ЖШС-не барды, деп хабарлайды BAQ.KZ Ақордаға сілтеме жасап.
![Президент отандық жылыжай технологияларының дамуымен танысты](/userfiles/images/1676375183_KZ4_3529_2.jpg)
Президентке жылыжай өнімдері – қияр, қызанақ, бұрыш және басқа да көкөністер мен гүл өсірудің заманауи технологиялары таныстырылды.
![Президент отандық жылыжай технологияларының дамуымен танысты](/userfiles/images/1676375192_KZ4_3424_2.jpg)
Жылыжай кешенінің жалпы ауданы – 5 гектар. Жобаға салынған инвестицияның жалпы көлемі 4,8 миллиард теңгені құрайды. 2023 жылы баклажан және құлпынай өсіру бөлімшелерін іске қосу жоспарланып отыр. Компанияның өнімдері толығымен Қазақстанның ішкі нарығында сатылады.
![Президент отандық жылыжай технологияларының дамуымен танысты](/userfiles/images/1676375205_KZ4_3428_2.jpg)
Өңір – ауыл шаруашылығы саласындағы көшбасшылардың бірі. Мұнда ел бойынша дәнді дақылдардың төрттен бірі өсіріледі және үлкен көлемде көкөністер мен құс еті өндіріледі.
![Президент отандық жылыжай технологияларының дамуымен танысты](/userfiles/images/1676375249_KZ4_3606_2.jpg)
Президент өндірілетін өнімнің сапасын бағалап, оның сұранысқа ие екенін атап өтті. Сондай-ақ компанияның экспорттық мүмкіндіктеріне назар аударды.
![Президент отандық жылыжай технологияларының дамуымен танысты](/userfiles/images/1676375258_KZ1_4352_2.jpg)
Мемлекет басшысы Ақмола облысының ауыл шаруашылығы тауарын өндірушілерімен әңгімелесті. Кездесу барысында түйткілді мәселелер көтеріліп, отандық агроөнеркәсіп кешенін дамытуға қатысты конструктивті ұсыныстар айтылды.
![Президент отандық жылыжай технологияларының дамуымен танысты](/userfiles/images/photo_5431656642182759073_y.jpg)
Президент жағдайды жіті қадағалайтынын, бизнес ахуалы туралы жедел ақпарат алатынын атап өтті. Сондай-ақ мемлекет отандық кәсіпкерлерді қолдауды жалғастыратынын және ынтымақтастықтың жаңа формалары әзірленетінін мәлімдеді.