Қазақстан президенті Ханчжоу қаласына ұшып келді

Нұр-Сұлтан, BAQ.KZ. Бұл туралы ҚР президентінің баспасөз хатшысы Берік Уәли Facebook-тегі парақшасында хабарлады.

"Қазақстан президенті Қасым-Жомарт Тоқаевтың Қытай Халық Республикасына жасаған екі күндік мемлекеттік сапарының аясында Ханчжоу қаласына ұшып келді", - деп жазды ол. 

Мұнда инновациялық өнімдерді әлемдік нарыққа шығару бойынша көшбасшы "Hikvision" компаниясының жұмысымен танысады. Сонымен қатар, бағдарлама бойынша "Alibaba" компаниясының кеңсесіне барып, Джек Мамен кездесуі, Қытайдың ұлттық шәй мұражайы мен Лэйфен Пагодасын аралауы жоспарланған.