Егер жұмыс тәсілі өзгермесе, жауапты тұлғаларға қатаң шаралар қолданылады. Премьер-министр Олжас Бектенов Үкімет отырысында жайлы мектептердің құрылысын дұрыс орындамайтындарға ескерту жасады, деп хабарлайды BAQ.KZ тілшісі.
Бектенов әріптестеріне Президенттің тапсырмасын орындау үшін тапсырма берді.
Әріптестер, Мемлекет басшысының жаңа форматтағы мектептер салу туралы тапсырмасын орындау үшін біз бар күшімізді жұмылдырып, тез қимылдауымыз керек. Осыған байланысты аталған жұмысқа тартылған барлық мемлекеттік органдардан нақты іс-қимылдарды талап етемін, - деді ол.
Премьер-министр мынадай тапсырмалар берді:
- «Самұрық-Қазына» қорына 1 қыркүйекке дейін 98 мектептің, ал биылдың соңына дейін қалған 119 мектептің пайдалануға берілуін қамтамасыз етуді.
- Өңір әкімдері 15 наурызға дейін мектеп құрылысына арналған жер учаскелерін рәсімдеуге қатысты барлық проблемаларды шешді.
- Оқу-ағарту министрлігі Ғылым және жоғары білім министрлігімен бірлесіп, салынып жатқан мектептерді алдын ала педагог кадрлармен қамтамасыз етуі тиіс.
Мерзімдердің бұзылуына ешқандай жол беруге болмайды. Бұл ретте, жұмыстардың сапасы ақсамауы тиіс. 15 мамырға дейін барлық жобалау-сметалық құжаттаманы әзірлеуді және мемлекеттік сараптамадан өткізуді аяқтау қажет, - деді Үкімет басшысы отырыста.
Сонымен қатар Бектенов биыл пайдалануға берілетін мектептерге баратын жолдар мен инженерлік-коммуникациялық инфрақұрылымның құрылысын осы жылғы 1 тамызға дейін аяқтау қажет екенін атап өтті.
Астана және Алматы әкімдері 15 желтоқсанға дейінгі мерзімде инвесторлардан сатып алынатын 9 мектепті пайдалануға беруді қамтамасыз етсін. Объектілер ашылғаннан кейін бірден нақты жоспарлы оқу процесін ұйымдастыру қажет. Цифрландыру министрлігі мектептерді сапалы интернетпен қамтамасыз етсін. Ішкі істер және Оқу-ағарту министрліктері жайлы мектептердің, оның ішінде іргелес жатқан аумақтардың қауіпсіздігі мәселесін ерекше бақылауға алуы қажет, - деп тапсырды Олжас Бектенов.
Оның айтуынша, Үкімет Ұлттық жобаны іске асыру барысын маусым айында қайта қарайды.
Егер жұмыс тәсілі өзгермесе, жауапты тұлғаларға қатаң шаралар қолданылады, - деп ескертті Премьер-министр әріптестеріне.
Бектенов Оқу-ағарту министріне жобаны іске асыру барысына күнделікті мониторингті қамтамасыз етуді және жалпы үйлестіруді Роман Склярге жүктеді.
