Атырауға жұмыс сапары барысында ҚР Премьер-Министрі Әлихан Смайылов полипропилен өндіретін «KPI Inc.» ЖШС кешенінің жұмысымен танысты деп хабарлайды BAQ.KZ Үкіметтің Telegram-каналына сілтеме жасап.
Қуаттылығы жылына 500 мың тонна өнім шығаратын зауыт «Ұлттық индустриялық мұнай-химия технопаркі» АЭА-да орналасқан және Қазақстандағы бірінші интеграцияланған газ-химия кешенін салу жобасының бастапқы кезеңі болып табылады.
![Премьер-министр Атыраудағы полипропилен өндіретін кешенге барды](/userfiles/images/%D0%BA%D1%83%D1%83(1).jpg)
2022 жылдың қарашасында іске қосылғаннан бері зауыт 100 мың тоннаға жуық өнім шығарды.
Жалпы 2023 жылға арналған өндірістік бағдарлама бойынша 300 мың тоннадан астам түрлі сұрыптағы полипропилен шығару жоспарланған.
![Премьер-министр Атыраудағы полипропилен өндіретін кешенге барды](/userfiles/images/%D0%BA%D1%83%D1%83%D1%83.jpg)
Оны пластикалық контейнерлер, пленкалар, бір рет қолданылатын ыдыс-аяқ және тағы басқа заттар жасау үшін пайдалануға болады.
Зауыт өнімдерінің басым бөлігі Қытай мен Еуропаға экспортталады.