Алматы, BAQ.KZ тілшісі. Бұл туралы Алматы қаласы фтизиопульмонология орталығының жұқпалы аурулар бөлімінің меңгерушісі, фтизиохирург, пульмонолог Абзал Малбасқанов онлайн брифинг барысында айтты.
Өкпе оттегі алмасатын орта. Пневмониядан емделіп, өкпеміз қалпына енді келіп жатқанда ыстық моншаға кірсек оған қосымша қысым жасаймыз. Ол өкпеге өте ауыр жағдай туғызуы мүмкін,-дейді дәрігер.
Оның айтуынша, коронавирус инфекциясының қан тамыр жүйесіне әсері қатты, сондықтан қан ұйып тұрады, ал моншаға барғанда терлейміз деп қанымызды қоюлатып алуымыз мүмкін.
Моншаға барудың арты алтоиммундық ауру түріне, яғни бактериялық пневмониямен ауырып қалуға әкелуі мүмкін. Сол себептен емделіп болған соң, реаблитация мерзімін толық өткізіп, екі айдай салауатты өмір салтын ұстанып, денсаулығым қалпына келді-ау деген кезде бір тексеріліп барып қана моншаға барған жөн. Моншаға барып пневмонияны ағзамнан қуып шығамын деген болмайды,-дейді Абзал Малбасқанов.
Сонымен қатар, ол коронавирус инфекциясы таралуының жоғары шегінен жеткенін, қазір жағдай тұрақтанғанын айтты.
Өткендегідей емес, қазір жағдай бақылауға көнді. Науқастар қатары да сабырсыды. Дәрігерлер өз міндеттерін адал атқаруда және мемлекет тарапынан тағайындалған сыйақыларды уақыты алуда,-дейді ол.
