Сыбайлас жемқорлыққа қарсы іс-қимыл агенттігінің ресми өкілі Арман Тілеукенов СҚО-да су тазарту мекемесінің басшылары тергеліп жатқанын айтты, деп хабарлайды BAQ.KZ тілшісі.
Солтүстік Қазақстан облысы бойынша Сыбайлас жемқорлыққа қарсы қызмет Петропавл қаласы әкімдігінің "Тазарту, су бұру және су өткізу құрылыстары" ШЖҚ МКК (Шаруашылық жүргізу құқығындағы мемлекеттік коммуналдық кәсіпорын) басшысы мен оның орынбасарына қатысты сотқа дейінгі тергеп-тексеруді бастады, - деді Арман Тілеукенов антикорда өткен брифингте.
Тілеукенов соттың санкциясымен күдіктілер қамауға алынды және тергеу жалғасып жатқанын атап өтті.
Лауазымды тұлғалар 2020-2022 жылдар кезеңінде үлестес кәсіпорындармен дауыл желілерін реконструкциялау, сорғы станцияларын жөндеу және арнайы техниканы жалдау бойынша қызметтер көрсету бойынша жұмыстарды орындауға жалған шарттар жасасу жолымен жалпы сомасы 258 млн теңгеге бюджет қаражатын жымқыру бойынша күдікке ілінді, - дейді Арман Тілеукенов.
