Солтүстік Қазақстан, BAQ.KZ тілшісі. Оқиға бүгін түстен кейін болған. Сағат 15-59-да 01 телеонына хабар шалған адам Интернационал көшесіндегі 21- інші үйдің бірінші қабатынан түтін шығып жатқанын хабарлаған.
5 қабатты жатақханады өртті сөндіруге қаладағы барлық бөлімшелерінен техникалар мен құтқарушылар жетті. Жалпы, өртті ауыздақтауға 21 арнайы техника мен 83 қызметкер жұмылдырылды.
Алдын ала болжам бойынша 1-інші қабаттағы дәмханада газ баллоны жарылған. Қатты түтін сол жерден шығып жатты. Оның ішінен 3 адамды шығардық. Екеуі геранимацияға жеткізілді. Жатақханадан 120 адам эвкуацияланып, 2-қалалық орта мектептің ғимаратына жеткізілді. Олармен психологтар жұмыс істеуде, – деді СҚО ТЖД бастығы Рамиль Камалов.
Мамандардың айтуынша жансақтау бөліміне жеткізілген ер адам қайтыс болған, әйел адамның жағдайы ауыр. Өрт сөндірілген соң үйінділердің астынан әйел адамның денесі табылды. Жалпы, оқиға орнынан 13 адам түрлі жарақаттармен облыстық және қалалық көпбейінді ауруханаға жеткізілді. Қазіргі уақытта 4 адам, оның ішінде біреуі бір жастағы бала үйге жіберілді.
Зардап шеккендер әзірге 2-інші қалалық мектеп ғимаратында, кейін оларды уақытша Солтүстік Қазақстан университетінің жатақханасына орналастырады. Зардап шеккендердің туыстары диспетчерлік көмек арқылы ақпарат ала алады.
