Бүгін қаланың кіре берісінде Ботай мәдениетіне арналған ерекше археологиялық ескерткіштің салтанатты ашылуы өтті, деп хабарлайды BAQ.KZ.
Айта кету керек, 6 мың жыл бұрын Солтүстік Қазақстан жерінде жылқы алғаш рет қолға үйретілген. Ал Ботай қонысы — әлемдік деңгейдегі маңызды археологиялық жаңалық.
Жаңа монумент — Қазақстан мен бүкіл адамзат тарихындағы Ботай мәдениетінің маңызын бейнелейтін өнер туындысы. Бұл жоба ата-баба мұрасын ұлықтап, туған өлке тарихына қызығушылықты арттыруға бағытталған.
