Торайғыров университетінің туризм саласындағы мамандар тобы, сондай-ақ климаттың өзгеруін бағалауға мамандандырылған шетелдік ғалымдар Павлодар облысында тұрақты туризм қағидаттарын әзірлеуге және енгізуге бағытталған зерттеу жүргізіп жатыр, деп хабарлайды BAQ.KZ Ғылым және жоғары білім министрлігіне сілтеме жасап.
Негізгі мақсаты – туристік қызметтен көміртегі ізін азайту және көміртекті сіңіруді арттыру үшін өтемақы жобаларын әзірлеу.
Зерттеу барысында облыстың табиғи резерваты мен ұлттық паркінде – Баянауыл және Шарбақты аудандарында көшпелі жұмыстар жүргізілді, сондай-ақ туристердің өмір сүру жағдайларына талдау және бағалау жүргізілді: электрмен және сумен жабдықтау, жылыту, кәріз, ҚТҚ жою және басқалар.
Зерттеу нәтижелері бойынша туризм секторының түрлі мақсатты топтар үшін климатқа әсерін азайтуға бағытталған іс-шаралар жасалады.
Өздеріңіз білетіндей, көміртегі ізі бұл қандай да бір қызмет нәтижесінде тікелей немесе жанама түрде өндірілген парниктік газдар шығарындыларының жиынтығы. Туризм, шаруашылық секторларының бірі ретінде ресурстарды тұтынады: туристерді орналастыру нысандары электр және жылу энергиясын, суды тұтынады; туристер көлікті пайдаланады, қалдықтарды шығарады, бұл жалпы алғанда көміртегі ізін анықтайды.
Біз тұрақты туризмнің негізгі критерийлерін енгізу кезінде Павлодар облысы, одан кейін әзірленген жүйені енгізген басқа да аумақтар бәсекеге қабілетті саланы білдіреді деп санаймыз. Ол қазіргі заманғы халықаралық стандарттар мен қағидаттарға жауап береді, туристер мен туризм индустриясы қызметкерлерінің қоршаған ортаны қорғаушылармен, сондай-ақ өмір сүру деңгейін көтеруге мүдделі жергілікті тұрғындармен бірлігін қамтамасыз етеді, - деп атап өтті география және туризм кафедрасының қауымдастырылған профессоры Алина Фаурат.
Жоба барысында екі пилоттық объектіден (облыс аумағындағы туризм кәсіпорындары) көміртегі ізінің шамасы есептелді, олар алдын ала деректер бойынша бір объектіге есептегенде жылына шамамен 400 тонна СО2 құрады.
Жобаның келесі жоспарлары – облыстың бүкіл туризм секторынан көміртегі ізін есептеу және SBTi (Science Based Targets) халықаралық әдіснамасына сүйене отырып, оны төмендету бойынша мақсаттар қоюға тырысу. Бұл әдістеме Париж келісімінің көміртегі шығарындыларын азайту жөніндегі сандық мәндерді айқындаудағы мақсаттарын ескереді және Қазақстанда алғаш рет туризм саласындағы кәсіпорындар үшін қолданылатын болады.
