Нұр-Сұлтан, BAQ.KZ. Бұл шетелден шикізат әкелуден гөрі тиімді, деп хабарлайды pavlodarnews.kz.
Толығымен отандық дезинфекциялық өнім бар. Оны өндіру процесі ғана өзгеретін болады. Яғни химиктер Қытай шикізатынан бас тартады.Біз жобаны өзіміз әзірлеген технология негізінде жүзеге асырамыз. Тіпті, Қытай ғылыми институты бұл инновациялық технология екенін растады. Қытайдан сатып алмай, өзіміз хлорлы таблеткалар үшін шикізат өндіретін боламыз. Ол үшін трихлоризоцианур қышқылын өндіру қондырғысын салу керек. Қазір монтаждау жүріп жатыр, – дейді "Бо-На" компаниясының техникалық директоры, химик Борис Шаров.
Жобаны Ғылым қоры қаржыландырады, ал қондырғыны іске қосу биылғы жылы жоспарланып отыр.
Борис Шаров жаңа өндіріс қалдықтары есебінен "Белизна" сияқты тұрмыстық химияның тағы екі-үш атауын шығару ойда бар екенін атап өтті.
Қазіргі уақытта Павлодар компаниясы құрамында хлор бар және хлор жоқ дезинфекциялау құралдарын өндіреді. Бұл өнімдерді негізінен медициналық мекемелер пайдаланады. 30 түрлі өнімнің ішінде еден жууға арналған, сондай-ақ медициналық құралдарды өңдеуге арналған құралдар мен қолға арналған антисептиктер бар. Өндіріс көлеміне коронавирус жағдайы әсер етті.
Коронавирус індетінің алдында біз күніне 300 келі хлор таблеткаларын өндірдік. Қазір сұраныс күрт өсіп, күніне 800 келі шығарамыз. Егер қажет болса, тонна өндіреміз. Бірақ біз бөлшек саудамен айналыспаймыз. Бізбен негізінен Қазақстанның медициналық мекемелері, барлық павлодарлық ауруханалар жұмыс істейді, – дейді Борис Шаров.
Павлодарда 2015 жылдан бастап хлорлы таблеткалар шығарылады. Келесі жылы бұл толығымен отандық өнім болады. Компанияның 2016 жылдан бастап шығаратын қолға арналған антисептик қазіргі таңда толығымен қазақстандық өнім болып табылады.
Қазақстан Үкіметі қоғамдық көлікті залалсыздандыру туралы қаулы шығарғаннан кейін Павлодар өндірушісіне жергілікті тасымалдаушылардың бірі жүгінген.
Бізде көлік компаниялары дезинфекция мәселелерімен нашар айналысады. Бірақ эпидемиологиялық жағдай шиеленіскендіктен, бүгінде көлік компаниясы жүгінді. Олардың 40 автобусын дезинфекциялау керек, – дейді Борис Шаров.
Спикердің айтуынша, автобус салонын хлоры бар құралдармен өңдеудің қажеті жоқ. Себебі қатты иіс жабық кеңістікте жолаушыларға ыңғайсыздық туғызады. Тәжірибесі бар химик тасымалдаушыларға иісі жоқ құралдарды таңдауды ұсынады. Оның үстіне мұндай өнімдер жеткілікті.
Естеріңізге сала кетейік, 12 наурызда ДДҰ-ның пандемия туралы хабарлауына байланысты елдің бас санитарлық дәрігері Жандарбек Бекшин санитарлық-дезинфекциялық режимді күшейту туралы қаулы шығарды. Енді қоғамдық көлікті әр рейстен кейін өңдеу керек, ал автобус аялдамаларын күніне екі рет дезинфекциялау құралдарымен жуу керек.
