Павлодарда зейнеткерді көлік қағып кетті

Нұр-Сұлтан, BAQ.KZ. Жол-көлік оқиғасы салдарынан жаяу жүргінші ауруханаға жеткізілді, деп хабарлайды Рavlodarnews.kz.

Облыстық ПД баспасөз қызметінің мәліметі бойынша, жол апаты 8 маусым күні сағат 10:00-де Н.Назарбаев даңғылы бойында орын алған.

«Ласточка» автобус аялдамасының жанында «Лада Гранта» маркалы автокөлігінің 30 жастағы жүргізушісі жолды белгіленбеген жерден кесіп өткен 60 жастағы әйелді қағып кеткен, – дейді департаментте.

Аталған факті бойынша тексеру жүргізілуде. Сараптама тағайындалып,  автокөлік арнайы айып тұрағына қойылды.