Нұр-Сұлтан, BAQ.KZ. Саябақтар мен алаңдардың жанында QR коды бар тақтайшалар ілініп, олардың көмегімен тұрғындар жасыл өсінділердің картасын көріп, олардың жағдайын тексере алады, деп хабарлайды Pavlodarnews.kz.
Павлодарда Google немесе Яндекс Maps карталарына ұқсас «ағаштар» картасы жасалады. Билік пен қалалықтар облыс орталығындағы жасыл желектердің санын қадағалап, олардың жағдайын тексере алатындай жүйе қажет. Бұл туралы журналистермен кездесуде Павлодар қаласының әкімі Асайын Байханов айтты.Облыс орталығында абаттандыру мәселесін шешуді ағаштарды санаудан бастады. Асайын Байхановтың айтуынша, соңғы рет қаладағы жасыл желектерді толық түгендеу 2008 жылы жүргізілген. Содан бері өсінділер саны белгілі бір жеке саябақтар мен алаңдарда ған тексерілген.
Қалада қанша бұта мен ағаш бар екенін ешкім білмейтіндіктен, суару мәселесі туындады деп санайды қала әкімі.
Неліктен ағаштар кеуіп кетті, қалада неге суару жасалмады және неге онымен шұғыл күресуге тура келді? Бірінші себеп, қаншалықты суару керектігін ешкім есептей алмайды. Есептеу үшін қалада қанша ағаш бар екенін білу керек. 2008 жылы 280 мың жасыл желек болды. Бірақ біз қанша қалғанын, одан көбейгенін немесе кемігенін білмейміз. Алдымен санау керек, - деді Асайын Байханов.
Қала басшысы кейбір орындарда ағаштарды түгендеумен «Берегиня-Био» ҚҚ биологы Татьяна Пономарева айналысқанын атап өтті. Биологтың айтуынша, Павлодардағы 43 саябақ пен алаңда 117 мың жасыл желек бар. Қала аулалары мен көшелерінде ағаштардың санын әкімдік келіскен жеке компания санайды.
Біз меморандумға қол қойдық. Олар бізге жасыл желектердің электронды картасын жасайды. Google немесе Yandex Maps негізінде олар барлық ағаштардың орналасқан жерін көрсетеді және түрлердің құрамын сипаттайды: жапырақты, қылқан жапырақты, жемістер мен бұталар, - деді Асайын Байханов. - Қыркүйек айының соңына дейін біз жасыл қорды түгел есептейміз деп үміттенемін. Бұл үшін барлық ресурстар жұмылдырылды. Болашақта жүйе құрылған кезде әрбір тұрғын картаны көре алады. Егер компания жобаның жұмыс істейтінін дәлелдесе, біз жыл сайын түгендеу қызметін сатып аламыз.
Жүйе іске қосылған кезде саябақтар мен алаңдардың жанында QR коды бар белгілер қойылады. Олардың көмегімен азаматтар ағаштардың электронды картасын көре алады. Егер серуендеу кезінде адамдар апатты жағдайда тұрған ағашты байқаса, оны картада белгілеп, мәселені шешу үшін өтініш жібере алады.
Асайын Байхановтың айтуынша, бұл жүйе ағаштардың жасын бақылауға көмектеседі. Қалаларда өсімдіктер түнгі жарықтандырудың салдарынан тез қартаяды. Сондықтан олардың тиімділігі төмендейді. Сонымен қатар, қалада топырақтағы артық ылғалдылық мәселесін шешеді. Кейбір жерлерде жаңбыр суының канализациясы орнатылады, ал басқаларында «сұрдан жасылға» ауысуды жоспарлап отыр.
Бұған дейін үш жылда облыс орталығында 60 мың ағаш отырғызу жоспарланған. Асайын Байхановтың айтуынша, қажетті жас талдарды жеткізу және олардың тіршілігін қамтамасыз ету үшін жасыл қордың түрлік құрамын талдау және серіктестермен ұзақ мерзімді келісімдер жасау қажет.
