Павлодар облысында ауа райына байланысты көлік қозғалысына шектеу қойылды. Бұл туралы «ҚазАвтоЖол» ҰК баспасөз қызметі мәлім етті, деп хабарлайды BAQ.KZ.
Павлодар облысында ауа райының қолайсыздығына байланысты 2025 жылғы 2 желтоқсан күні сағат 21:30-дан бастап республикалық маңызы бар «Атамекен – Ертіс – РФ шекарасы» автожолының 0-100 шақырым аралығы (Атамекен – Ақтоғай) барлық көлік түрлері үшін жабылды, - делінген хабарламада.
Жолды 3 желтоқсанда сағат 07:00-де ашу жоспарланып отыр.
Қосымша ақпаратты тәулік бойы 1403 нөмірі арқылы білуге болады.
