Пәтерінде алып питон ұстаған атыраулық әйел жауапқа тартылды
3,5 метрлік питон: Атырауда әйел үйінде алып жылан ұстаған.
11 Наурыз 2026, 17:16
804
Фото: pexels.com
Атырауда пәтерінде алып питон ұстаған әйел жауапқа тартылды, деп хабарлайды BAQ.KZ тілшісі.
Атырау қаласының әкімшілік құқық бұзушылықтар жөніндегі мамандандырылған сотында құқық бұзушы Д.-ға қатысты әкімшілік құқық бұзушылық туралы іс қаралды.
Сотпен анықталғандай, азаматша Д. өзінің пәтерінде үй жағдайында салмағы 30 кг, ұзындығы 3-3,5 метр питон жыланын CITES талаптарына сәйкес рұқсат құжатсыз ұстаған.
Сот қаулысымен Д. әкімшілік құқық бұзушылық жасағаны үшін кінәлі деп танылып, оған әкімшілік жаза ретінде 10 айлық есептік көрсеткіш мөлшерінде әкімшілік айыппұл салынып, жасалған құқық бұзушылықтың сипаты, жеке басы ескеріле отырып, айыппұл сомасы 30%, яғни 30 275 теңгеге қысқартылды.
Питон жыланы мемлекет кірісіне тәркіленді, - деп хабарлады соттың баспасөз қызметі.
Сот қаулысы заңды күшіне енген жоқ.
Еске салайық, бұған дейін Қонаевта азық-түлік дүкеніне жылан кіріп кеткен еді.
Ең оқылған:
- Таразда жеті қыз жабылып, 9-сынып оқушысын аяусыз ұрып-соққан
- Атыраудағы резонансты оқиға: Тікелей эфирде қызды ұрып-соққан жігітке іс қозғалды
- Атырауда жігіт қызды соққыға жығып, пышақтағанын әлеуметтік желідегі тікелей эфирде көрсеткен
- Қазақстанда 1 сәуірден бастап тағы бір өзгеріс енгізіледі
- Алдын ала төлем жасағандар ақшасын қалай қайтарып ала алады? Депутат түсіндірді