Өскемен қаласында есірткі саудасымен айналысқан елорда тұрғыны ұсталды, деп хабарлайды BAQ.KZ.
ШҚО полиция департаменті баспасөз қызметінің мәліметіне сүйенсек, тәртіп сақшылары есірткі ораушы-курьерді ұстады.
Өскеменде Есірткі қылмысына қарсы іс-қимыл басқармасының жедел уәкілдері облыс прокуратурасымен бірлесіп жедел-іздестіру іс-шараларын жүргізу барысында тыйым салынған заттарды байланыссыз тәсіл арқылы таратқан 26 жастағы елорда тұрғынын қолға түсірді. Ол есірткіні танымал мессенджерлердің бірінде интернет-дүкен арқылы сатқан, - делінген ақпаратта.
Полицейлер ер адамның аймақтық курьер және есірткі қоймасының ораушысы қызметін атқарғанын анықтады.
Тінту жүргізу барысында оның жалдамалы пәтерінде жалпы салмағы 500 грамнан асатын психотроптық заттар табылды. Аталған факті бойынша ҚР ҚК-нің 297-бабы 3-бөлігі 1,3,5-тармақтарымен қылмыстық іс қозғалды. Күдікті 10-нан 15 жылға дейін бас бостандығынан айырылуы мүмкін», - делінген хабарламада.
