ОСК партиялар арасында жеребе тастады

Орталық сайлау комиссиясы мәжілісті сайлауға арналған бюллетеньдегі партиялар атауының ретін анықтау үшін партиялар арасында жеребе тастау рәсімін өткізді, деп хабарлайды BAQ.KZ. 

Сайлау бюллетеніндегі саяси партиялар атауының реті мынадай:

• Amanat партиясы;
• «Ауыл» халықтық-демократиялық патриоттық партиясы;
• Respublica партиясы;
• Қазақстанның халық партиясы;
• Қазақстанның «Байтақ» жасылдар партиясы;
• Қазақстанның «Ақ жол» демократиялық партиясы;
• Жалпыұлттық социал-демократиялық партиясы.

Бұл тәртіп пропорционал жүйе бойынша сайланатын облыстардың, республикалық маңызы бар қалалардың және астананың мәслихат депутаттарының 50%-ін сайлау үшін, тіркелген партия тізімін ескере отырып, аумақтық сайлау комиссияларының сайлау бюллетеньдерінің мәтінін бекіткен кезде қолданылады, — деді ОСК мүшесі Сабила Мұстафина.

Айта кетейік, мәжіліс пен мәслихат 2023 жылғы 19 наурызда сайланды.