Нұр-Сұлтан, BAQ.KZ. Осакаровкада үш көшеге милиционер Беслан Аушев пен Геннадий Карапидидің, сондай-ақ Қазақ КСР еңбек сіңірген мұғалімі Николай Ворониннің есімдері берілді. Бұл туралы Қарағанды облысы әкімдігінің баспасөз қызметі хабарлады.
Олар белсенді ауыл тұрғындарының ұсынысы бойынша өзгертілді.
Сонымен, Колхозная көшесі қазір Геннадий Карапиди есімімен аталады, Ал Кузнечная көшесі Беслан Аушевтің есімімен аталған.
Осакаров ауданының аудандық милиция бөлімінің қызметкерлері бола отырып, 1985 жылдың тамызында қашып кеткен қылмыскерді ұстау кезінде бұл екі милиционер қаза тапқан болатын.
Беслан Аушев пен Геннадий Карапидидің ерлігі мен батылдығы үшін қайтыс болғаннан кейін Қызыл Жұлдыз орденімен марапатталды.
Айта кетейік, полиция бөлімінің аумағында қаза тапқан милиционерлерге ескерткіш орнатылған. Сондай-ақ, Беслан Аушев пен Геннадий Карапидидің есімдері полиция департаментінің аумағында орналасқан стелада мәңгі сақталады. Заң саласының ержүрек күзетшілері туралы «Гром» операциясы» және «Өлместікке қадам басқан» фильмдері түсірілді.
Сондай-ақ Осакаров кентінің Целинная көшесі енді Ұлы Отан соғысының ардагері Николай Ворониннің есімімен аталады.
Мұнда бұрынғы Пионерлер үйі, ал қазір «Жастар» балалар-жасөспірімдер орталығы орналасқан. Нақты осы көшені таңдау кездейсоқ емес. Николай Воронин ұзақ жылдар бойы балалар мекемесінің директоры болып жұмыс істеді. Балалар-жасөспірімдер орталығының алдындағы алаңда оның құрметіне ескерткіш орнатылды.
Құрметті педагог өскелең ұрпақтың білімі мен тәрбиесін дамытуға үлкен үлес қосты. Ол аудандық тарихи-өлкетану мұражайын құруға және «Қайғыға батқан ана» обелискін тұрғызуға көп күш жұмсады.
Николай Воронин I дәрежелі Отан соғысы орденімен, «Жауынгерлік еңбегі үшін», «Берлинді алғаны үшін», «1941–1945 жылдардағы Ұлы Отан соғысында фашистік Германияны жеңгені үшін» медальдарымен марапатталған. Басшы лауазымындағы жұмысы да жоғары бағаланды. Әскери марапаттарға Еңбек Қызыл Ту ордені, «Еңбектегі ерлігі үшін» медалі және басқа да көптеген марапаттар қосылды.
