Оқу-ағарту министрі Ғани Бейсембаев «Өрлеу» БАҰО» АҚ ұжымына басқарманың жаңа төрағасын таныстырды. Басқарма төрағасы болып Еламан Айбульдинов сайланды, деп хабарлайды BAQ.KZ.
Еламан Айбульдинов С. Торайғыров атындағы Павлодар мемлекеттік университетін 2008 жылы «Химия» мамандығын аяқтап, сол мамандық бойынша философия докторы (PhD) дәрежесін алды.
Еңбек жолын 2010 жылы Л.Н.Гумилев атындағы ЕҰУ биоорганикалық химия ғылыми-зерттеу институтының аға ғылыми қызметкері болып бастады. Әр жылдары «Парасат» ұлттық ғылыми-технологиялық холдингінің сарапшысы, Қазақ технология және бизнес университетінің ғылым, инновациялық технологиялар және сыртқы байланыстар жөніндегі проректоры, Л.Н.Гумилев атындағы Еуразия ұлттық университетінің жаңа химиялық технологиялар ғылыми-зерттеу институтының директоры, Х.Досмұхамедов атындағы Атырау университетінің ғылым және халықаралық байланыстар жөніндегі проректоры болып еңбек етті.
2015 жылдан бері Қазақстан ұлттық жаратылыстану ғылымдары академиясының корреспондент-мүшесі. 2021 жылдан бастап Оқу-ағарту министрлігі жанындағы Жас ғалымдар кеңесінің төрағасы. ҚР Президентінің жанындағы Ғылым және технология жөніндегі ұлттық кеңестің мүшесі.
