Оралдағы дәмханада болған жарылыс салдарынан екі адам қаза тапқан, деп хабарлайды BAQ.KZ тілшісі.
БҚО ТЖД баспасөз қызметі Орал қаласындағы дәмханада болған жағдайға қатысты тың ақпарат таратты.
Белгілі болғандай, үйінді астынан 6 адам құтқарылды. Оның 5-еуі медициналық мекемеге жеткізілді. Ал біреуі медициналық көмектен бас тартты.
Жарылыс болған жерге БҚО ТЖД, полиция, жергілікті атқарушы органдар, жедел жәрдем қызметін қоса алғанда 110-нан астам адам мен 30 техника жұмылдырылды. Қазір ТЖД қызметкерлерінің арқасында үйінді астынан 6 адам құтқарылды. Оның 5-еуі медициналық мекемеге жеткізілді. Ал біреуі медициналық көмектен бас тартты. Сонымен қатар қаза тапқан екі адам анықталды. Олардың жеке тұлғалары анықталуда. Үйінді астында басқа да адамдардың бар болуы ықтимал. Апаттық-құтқару жұмыстары жалғасуда, - деп хабарлады төтенше жағдай қызметіндегілер.
БҚО ТЖД штабында 8 (7112) 55-40-88 нөмірі бойынша жедел желі ұйымдастырылды.
Еске салсақ, бүгін түнде екі қабатты дәмхана ғимаратында газ-ауа қоспасы жарылып, салдарынан ғимарат қирап, арты өртке ұласты.
